सातशतक ग्रंथातून रामस्तुती..

सातशतक या दिव्य ग्रंथाची रचना करताना छत्रपती शंभुराजे म्हणतात..

सीता पग नष चंद की भजि कै संभ समाज ।

सातशतक ग्रंथहि रच्यो,संतन के हित काज ॥

अर्थात: सीतेच्या चरणाच्या नखचंद्रास आराधून शंभु राजांनी समाजाच्या व साधूसंताच्या हितासाठी सातशतक ग्रंथाची निर्मितीकेली आहे. शंभुराजे म्हणतात की माझे मन संताच्या हितासाठी भ्रमर झाले आहे.

मो मन मधुकर संत हित भऱ्यो ग्रंथ रसविंद ।

चित्रकूट के सिर्लान जे फूल पग अरविंद ॥

अर्थात छत्रपती शंभुराजे म्हणतात: 

यात चित्रकुटमधील प्रभु राम, सीता आणि लक्ष्मण यांच्या पवित्र चरणाच्या प्रभावाने जे पारिश्रमिक फूल तेथील दगडावर फुलले तोच हा प्रेम रस होय.

सो रस पाइ छके महा सनकादिक सुक सेस ।

संभराज षगराज ,मुनि ,गिरजा ,गिरा गणेश ॥

अर्थात छत्रपती शंभुराजे म्हणतात: तो रस प्राशन करून शुक्राचार्य, शेषदेव, सनकादिक मुनि तसेच खगराज गरूड, गिरीवरकन्या पार्वतीदेवी, सरस्वती, गणेश तसेच शंभुराजे संतुष्ट झाले.

उपालंभ कहि विनैकहि, जगत सीष कहि ध्यान ।

बह्म निरूपम कुछ कहरो,जाते बाढत ग्यान ॥

अर्थात छत्रपती शंभुराजे म्हणतात:  उपहासात्मक बोलण्यापेक्षा जगाच्या शिकवणुकीकडे माझे लक्ष आहे. काही ब्रह्मनिरूपणात्मक सांगण्याची माझी इच्छा आहे, त्यामुळे ज्ञानवृध्दिही वाढते.

- छत्रपती शंभुराजे कृत सातसतक

छत्रपती शंभूराजांच्या अंतकरणातील दिव्य भाव या शब्द रूपाने प्रकट होतात. यातून एका वीर योद्धाच्या अध्यात्मिक मनाची थोरवी प्रकटते.

।।फक्तइतिहास।।